ელენე წერეთელი
ხელმძღვანელი - ელენე წერეთელი
დეპარტამენტის ფუნქციები:
ადმინისტრაციული დეპარტამენტი ახდენს სააგენტოს საქმიანობის სამართლებრივ უზრუნველყოფას, სააგენტოს კომპეტენციის ფარგლებში ამზადებს შესაბამისი სამართლებრივი აქტების, ხელშეკრულებების და შეთანხმებების პროექტებს. ახორციელებს ნორმატიული აქტების პროექტების, სააგენტოს სახელით დასადები ხელშეკრულებების, მემორანდუმებისა და შეთანხმებების პროექტების სამართლებრივ ექსპერტიზას. სასამართლოებში, ადმინისტრაციულ ორგანოებთან, ასევე, კომპეტენციის ფარგლებში, ფიზიკურ და იურიდიულ პირებთან ურთიერთობებში უზრუნველყოფს სააგენტოს წარმომადგენლობას.
დეპარტამენტი, სააგენტოს მიერ გამოცემული ადმინისტრაციულ-სამართლებრივი აქტების ან/და ქმედების თაობაზე წარდგენილი ადმინისტრაციული საჩივრების განხილვის ორგანიზებას აკეთებს. სამსახურებრივ შემოწმებას ატარებს სააგენტოს თანამშრომელთა შესაძლო გადაცდომის ფაქტებზე. შედეგებთან დაკავშირებით შეიმუშავებს დასკვნებს და მათი შემდგომი აღმოფხვრის მიზნით რეკომენდაციებს წარუდგენს სააგენტოს ხელმძღვანელობას.
ზედამხედველობას უწევს, საქართველოს კანონმდებლობასთან სააგენტოს თანამშრომელთა საქმიანობის შესაბამისობას. სააგენტოს მიერ განხორციელებული/მიმდინარე მიზნობრივი პროგრამების შესრულების მონიტორინგს აწარმოებს და შესაბამის დასკვნის ამზადებს სააგენტოს ხელმძღვანელობისთვის წარსადგენად.
დეპარტამენტი უზრუნველყოფს სააგენტოს ადამიანური რესურსების მართვას, ახორციელებს თანამშრომელთა კარიერული წინსვლის, მოტივაციის, შეფასების სისტემების შექმნასა და დანერგვას, განსახორციელებელი ღონისძიებების შესახებ წინადადებებს წარუდგენს ხელმძღვანელობას. დეპარტამენტი ასევე უზრუნველყოფს სააგენტოს საქმისწარმოების ორგანიზებასა და არქივის წარმოებას. აღრიცხავს და იცავს სააგენტოს ბალანსზე რიცხულ უძრავ-მოძრავ ქონებას, უზრუნველყოფს კომპიუტერული ქსელისა და ტექნიკის შეუფერხებელ უშაობას.
დეპარტამენტი უზრუნველყოფს მასობრივი ინფორმაციის საშუალებებთან ურთიერთობას, სააგენტოს კომპეტენციას მიკუთვნებული საქმიანობის განხორციელების თაობაზე საზოგადოების ინფორმირებას და დაინტერესებული პირებისათვის საჯარო ინფორმაციის ხელმისაწვდომობას. ასევე, სააგენტოს ვებგვერდის ადმინისტრირებას, სააგენტოში შემოსული კორესპონდენციის აღრიცხვა-განაწილებასა და მისი შესრულების კონტროლს, სააგენტოში შრომის უსაფრთხოების დაცვას.
დეპარტამენტი წარმართავს სააგენტოს საფინანსო-ეკონომიკურ საქმიანობას, ბუღალტრული აღრიცხვის წარმოებასა და ფინანსური ანგარიშგების მომზადება-ანალიზს. შეიმუშავებს და წარადგენს საგენტოს ბიუჯეტის პროექტებს, საშუალოვადიან სამოქმედო გეგმებს. უზრუნველყოფს სააგენტოსთვის გამოყოფილი თანხების მიზნობრივ ათვისებას, ბიუჯეტის სისტემურ ანალიზს, შემოსავლებისა და ხარჯების კონტროლს. ახდენს სააგენტოს ფულადი სახსრების, მატერიალური და არამატერიალური ფასეულობების გამოყენების მიზნობრიობის კონტროლს. ბუღალტრული აღრიცხვის და ფინანსური ანგარიშგების მონაცემების უტყუარობის მიზნით უზრუნველყოფს არაფინანსური და ფინანსური აქტივების და სხვა დებიტორულ/კრედიტორული დავალიანებების ინვენტარიზაციის შედეგების აღრიცხვაში ასახვას.
დეპარტამენტი გეგმავს სააგენტოს სახელმწიფო შესყიდვებს, შეიმუშავებს წლიური გეგმებს, ახორციელებს შესყიდვების პროცედურებს, კონტროლსა და ანალიზს. უფლებამოსილების ფარგლებში განიხილავს კორესპონდენციას და ამზადებს შესაბამის პასუხს. დეპარტამენტი ამზადებს საქმიანობის ანგარიშს და წარუდგენს სააგენტოს ხელმძღვანელობას. ასევე ახორციელებს კანონმდებლობით გათვალისწინებულ სხვა უფლება-მოვალეობას.
