პაატა ჭიპაშვილი
ხელმძღვანელი - პაატა ჭიპაშვილი
დეპარტამენტის ფუნქციები:
მიწის მიზნობრივი გამოყენებისა და მართვის დეპარტამენტი მონაწილეობს სასოფლო-სამეურნეო დანიშნულების მიწის რესურსების მიზნობრივი გამოყენებისა და დაცვის სახელმწიფო პოლიტიკის შემუშავებასა და განხორციელებაში. ასევე, სასოფლო-სამეურნეო დანიშნულების მიწის მდგრადი მართვის სახელმწიფო პოლიტიკის შემუშავებაში და კომპეტენციის ფარგლებში განხორციელებაში. დეპარტამენტი შეიმუშავებს და ახორციელებს სასოფლო-სამეურნეო დანიშნულების მიწის რესურსების დაცვის ღონისძიებებს.
მიწის მიზნობრივი დანიშნულების ცვლილებასთან დაკავშირებით კომპეტენციის ფარგლებში ახდენს სააგენტოს საქმიანობის უზრუნველყოფას. მათ შორის, როგორც მიწის ნაკვეთის ადგილზე დათვალიერებასა და ფაქტობრივი მდგომარეობის აღწერას, ასევე მიწის ნაკვეთის სასოფლო-სამეურნეო დანიშნულებით გამოყენების შესაძლებლობის თაობაზე ინფორმაციის მომზადებასა და გაცემას.
უზრუნველყოფს სასოფლო-სამეურნეო დანიშნულების მიწის რესურსების დაცვისა და მიწათსარგებლობასთან დაკავშირებით საზოგადოების ინფორმირებას, ასევე გეგმავს და ახორციელებს ცნობიერების ამაღლების ღონისძიებებს.
დეპარტამენტი მონაწილეობს ადმინისტრაციულ-ტერიტორიული საზღვრების დადგენაში,
გაუდაბნოების, მიწის დეგრადაციის წინააღმდეგ ბრძოლისა და ნიადაგის ნაყოფიერების აღდგენის ღონისძიებების დაგეგმვა-განხორციელებაში. ასევე, ქარსაფარი ზოლის აღდგენის და გაშენების გეგმის შემუშავებაში; ქარსაფარი ზოლების ინვენტარიზაციისა და სპეციალური მოკვლევის ჩატარების, ქარსაფარი ზოლის სტატუსის მინიჭების, შეწყვეტისა და აღდგენის შესახებ გადაწყვეტილების მიღებისთვის საჭირო ღონისძიებების უზრუნველყოფაში. დეპარტამენტი შეიმუშავებს სახელმწიფო საკუთრებაში არსებული ქარსაფარი ზოლის მართვის გეგმებს და ახდენს დამტკიცებისათვის საჭირო ღონისძიებების უზრუნველყოფას. ასევე, მუნიციპალიტეტის საკუთრებაში გადაცემამდე, სახელმწიფო საკუთრებაში არსებული ქარსაფარი ზოლის მოვლის და დაცვის ღონისძიებებს. დეპარტამენტი ახორციელებს სახელმწიფო საკუთრებაში არსებული ქარსაფარი ზოლის სამეურნეო მიზნით გამოყენებისათვის მიწის ნაკვეთის ან მისი ნაწილის დაინტერესებული პირისათვის სარგებლობის უფლებით გადაცემისთვის საჭირო ღონისძიებებს. ასევე, სახელმწიფოს საკუთრებაში არსებულ ქარსაფარ ზოლში სპეციალური დანიშნულებით ჭრების განხორციელების უფლების მინიჭების თაობაზე გადაწყვეტილების მიღებისთვის საჭირო ღონისძებებს.
ახორციელებს საინვესტიციო გეგმებით ნაკისრი ვალდებულებების შესრულების მონიტორინგს და ახორციელებს კანონმდებლობით გათვალისწინებულ ღონისძიებებს, ასევე სასოფლო-სამეურნეო დანიშნულების მიწის ნაკვეთების მიზნობრივი გამოყენების მონიტორინგს.
უფლებამოსილების ფარგლებში განიხილავს კორესპონდენციას და ამზადებს შესაბამის პასუხს.
ამზადებს და ხელმძღვანელობას წარუდგენს დეპარტამენტის საქმიანობის ანგარიშს. ახორციელებს კანონმდებლობით გათვალისწინებულ სხვა უფლება-მოვალეობებს.
